Afmæli!

Hann Einar minn er 21 árs í dag og það er gaman að því þó hann sé ekki hérna hjá mér að halda uppá það! Hann er orðinn fullorðinn og hefur verið það lengi en auðvitað sakna ég hans helling  En svona í tilefni dagsins bakaði ég vatnsdeigsbollur for the first time in my life og það tókst bara ágætlega, það eru sko ekki bakarí á hverju strái hérna í fámenninu svo mar verður bara að hrista fram húsmóðurhæfileikana og redda þessu sjálfur  Have a nice sunday

Góðan daginn!

Það er núna sem ég ætla að vera opin og einlæg, viðurkenna þetta bara, mér er illa við bíla, þarna kom það, hef verið að reyna að vera í afneitun á þetta en nei það virkar ekki  Nú svo finnst mér Íslendingar vera algjörir hellisbúar í sambandi við umhverfismál, svo langt á eftir að það er ekki fyndið  Lengi tekur sjórinn við og svo framvegis er greinilega alveg í gangi ennþá  En svona að lokum, Karlavagninn er mín Madelenekaka, var alveg að upplifa það í gærkvöldi, svo fallegur himininn hérna í fámenninu í gærkvöldi  Gerum þennan laugardag góðan

How do you like Iceland?

Ísland er alveg að ná mér, er með flensu með stóru EFFI er svo lasin að veikir karlmenn komast ekki með tærnar þar sem ég hef hælana Þegar ég flutti hingað heim síðast (hljómar eins og það hafi gerst annaðhvort ár sem það gerði ekki) þá fékk ég lungnabólgu og mátti ekki fara út í alltof langan tíma Oh well, no pain no gain En yfir í annað, krakkarnir voru á þorrablóti í skólanum í gær, þau höfðu gaman að þvíOver and out og aftur undir sæng

Jamm!

Já fyrirsögnin sýnir bara hugmyndasneyði mitt, þetta hlýtur nú bara að vera nýyrði Nýjustu fréttir héðan úr fámenninu, snjór, gatan sem ég bý við er ónýt, kostar amk 200 milljónir að gera við hana og það er sko kreppa Nú það á að sprauta einhverju í öxlina á mér, örugglega áfengi nei einhverju töframeðali sjálfsagt Það tók sig sko upp gamalt íþróttameiðsl, kannski hafa mínar glasalyftingar fyrr á tímum þessi áhrif en að vísu er þetta nú vinstri handleggurinn, er ekki örvhent en var það kannski förr i tiden, þessi tími er nú í hálfgerðri móðuAnnars eru allir hér nokkuð hressir bara, Eva byrjuð að læra á fiðlu og finnst bara gaman æfir sig heima við mismunandi mikinn fögnuð heimilisfólksins Jæja ætla að fara að fá mér brauð með mysingi eða öllu heldur mysing með smá brauði