Komin heim aftur!

Já við pökkuðum jólunum í bílinn og fórum til mömmu og vorum þar í besta yfirlæti, komum heim aftur í gærkvöldi  Þetta var voða notalegt en líka gott að koma heim Fórum bara í eina heimsókn og það var til Ninnu og Jóa, húsið þeirra verður bara fallegra og fallegra, þau líka Hér er næstum því snjólaust, var autt alla leið á Akureyri! Nú svo þegar við vorum að fara heim keyrðum við útá Grenivík og fórum svo Fn(Hn)jóskárdalinn (veit ekkert hvernig þetta er skrifað), bara gaman að því, stoppuðum líka í Laufási og tókum myndir af kirkjunni og gamla bænum  bara eins og alvöru túristar  Vonandi hafa allir haft það gott yfir jólin og góða skemmtun á gamlárskvöld

Tína og Símon!

Þær heita þetta maddömurnar sem eru fluttar inn í bílskúrinn, Eva og Ísak fengu að skíra þær  Ég hef verið að reyna að taka mynd af þeim en þær eru ekkert í stuði fyrir það svo það verður bara að bíða  Yndislegt að hafa öll börn og tengdabörn heima  Núna snjóar á fullu hjá okkur, fannst ég nú hafa lesið einhversstaðar um rauð jól, en þar hlýtur að hafa verið talað um Borg Óttans, hér er allt á kafi í snjó Jólin alveg að skella á sem er gott, gaman að vera með fólkinu sínu og borða góðan mat, núna get ég keypt allt sem mér finnst tilheyra jólunum og ég get heyrt í kirkjuklukkunum í útvarpinu kl.sex á aðfangadag, bara frábært Over and out

Krummi!

Mér finnst krumminn kúl, það situr stundum einn á ljósastaurnum hérna fyrir utan húsið (jú við erum með ljósastaura hérna í fámenninu) og mér finnst það næs  Mig langar ekkert til að skjóta allt sem hreyfist eins og sumir (og ef það hreyfist ekki þá hrista þeir það) vantar alveg þau gen í mig  Sé stundum seli í fjöru þar sem ég keyri framhjá á leiðinni í vinnuna, mér finnst það líka næs, langar ekkert að drepa þá  Einar og Johanna kærastan hans eru á leiðinni til landsins as we speak eða í þessum töluðu/pikkuðu orðum og er það besta jólagjöfin ever, gæti ekki verið betra  Ég sendi Jóku algjöran kreppupakka, bara aumingjalegt en reyni að bæta úr því síðar  Verð að hætta núna flaug nefnilega á hausinn hérna fyrir utan húsið hjá mér í fyrradag og er að drepast í handleggnum, einu sinni gat ég gert svona osfrv og held að ælupestin hafi náð mér líka, ekki verið nógu fljót að hlaupa síðustu árin

Jamm!

Í dag er ég búin að baka, setja í 3 þvottavélar, óska nöfnu minni í Jönköping til hamingju með daginn, fara í kauffélagið að kaupa laugardagsnammi, tala meira í símann, hugsa um að ryksuga,drekka kaffi og borða hálfmána Komst því miður ekki á samkomu í gærkvöldi sökum ómegðar (les:barnapíuleysi) en bætti úr því með góðu símtali um hádegisbil Ætla bara að hafa jólin fín, er ekkert búin að skreyta yfir mig eins og sumir aðrir, nefni engin nöfn, set svo bara upp gervijólatréð mitt á Þorláksmessu og verð ánægð með þaðSvo vona ég bara að þið eigið öll frábært laugardagskvöld, það ætla ég að gera

Oooh hvað hann er góður!

Ég bjó í Svíþjóð þegar umrædd kreppa var í gangi, er nú ekki að sjá hvað hann hefur fram að færa í kreppumálum, það var bara tekið af þeim sem minnst höfðu á þessum árum  Svo þegar hann hætti í stjórnmálum fór hann og keypti sér sveitasetur og hefur það bara vonandi gott  Hann á nú sjálfsagt fyrir salti í grautinn þó hann hafi talað þarna fyrir ekkert, ég myndi ekki einusinni vilja hlusta á hann þó ég fengi borgað fyrir það  Have a nice day

Göran Persson rukkaði ekki

Stöðvarfjörður är en metropol!

Þetta er sko staðreynd dagsins, ekki spurning  Ég hef verið að bögglast við að skrá mig í fjarnám í Háskóla Íslands og það gengur ekki andskotalaust fyrir sig  þetta gengur svo illa að það er næstum því fyndið, eftir 3 daga er ég farin að flissa aðeins  Svo eru jólin víst á leiðinni eina ferðina enn, they get me every year  Er víst ekki mikið meira í fréttum hérna úr fámenninu nema það að það er líka föstudagur hér á morgun

How do you like Iceland?

Það var ekki sniðugt að spyrja mig að þessu í gær, komst heim úr vinnunni um áttaleytið í gærkvöldi  Ákvað að nota almenningssamgöngur hér í fámenninnu og tók rútuna, góð hugmynd á góðum sumardegi en ekki í snjókomu og skafrenningi, hef ekkert á móti sjoppum annars en að biða þar í einhverja klukkutíma eftir einhverri rútu sem kemst ekki milli staða v snjókomu, nei held ekki!  En þetta gekk alltsaman á endanum, ég komst heim og þá var tilganginum náð  Have a nice Tuesday