Pössun

Jæja þá er frumburðurinn kominn í pössun hjá Birnu með tilheyrandi kleinum og mjólk, er sko ekki í fyrsta skipti sem Birna passar hann fyrir mig, að vísu sjálfsagt 17 ár síðan síðast en sko ef hann fer í pössun þá er það til hennar!  Held þau fari svo norður á morgun, stoppa vonandi í Staðarskála og ýla og góla eins og við í okkar fjölskyldu gerum þegar við erum á ferðinni, nú svo tekur Birna sjálfsagt "Þú komst í hlaðið á hvítum hesti" eða syngur Ljómaauglýsinguna. Hrein og tær snilld!

Over and out!

Athugasemdir

[Jónína Dúadóttir, 8.8.2007 kl. 21:40]

Af einhverjum ástæðum langar mig ekkert ofsalega mikið til að fá að vera með

[Erna Evudóttir, 8.8.2007 kl. 22:52]

Hvað þú ert nú alveg örugglega svona ýlari og gólari inn við beinið

[Jónína Dúadóttir, 9.8.2007 kl. 06:53]

Já kannski svona í laumi, ekkert endilega í Staðarskála

[Birna Dúadóttir, 9.8.2007 kl. 09:42]

Ég er nú ekkert að standa mig.Þau fengu kleinurnar og mjólkina,en ég varð að senda þau í rútuna í morgun.Helv.. bílavesen hérna megin.Svo gleymdi ég að ýla og góla,en reddaði því.Ég hljóp bara á eftir rútunni í svona korter og annað eins ýl og gól hefur ekki heyrst síðan á loftinu heima í den.Foreldrar mínir hefðu orðið stoltir af stelpunni,amk mamma.Ég var orðin soldið móð þegar mennirnir í hvítu fötunum komu.Og núna er ég bara hérna innan um yndislegt fólk að drekka kaffi og borða gular og grænar pillur

[Birna Dúadóttir, 9.8.2007 kl. 10:05]

Og Ninna mín,þú hefðir bara átt að heyra okkur systurnar taka Ljómaauglýsinguna í eldhúsinu mínu,tær snilld.

[Jónína Dúadóttir, 9.8.2007 kl. 22:07]

Æ æ æ æ alltaf er ég að missa af öllu, nema rútunni með þessum yndislegu krökkum sem ég passaði svo í dag meðan amman var í lagningu