Kem heim í sumar!!!!!

Já búið að ákveða daginn, sjálfur 17.júní varð fyrir valinu, næ í restina á hátíðarhöldunum í Keflavík, það eru hátíðarhöld í Keflavík á 17.júní?  Bara að grínast .  Það er nefnilega þannig að hann Einar litli sonur minn er að taka stúdentspróf 15.júní og það er ætlast til þess að fjölskyldan sé með þar, bara að grínast aftur, viljum alveg vera með þar, þarf víst að hafa einhverja smá veislu fyrir hann, ekkert stórkostlegt eins og á Íslandi, nei allt í hófi hér í Svíaríki, lagom är bäst eins og þeir segja hérna!  Yfir í eitthvað allt annað, heyrði orðið lúsablesi í einhverju íslensku lagi, hef ekki heyrt þetta orð í hundrað ár held ég, hef alltaf gaman af svona orðum sem ég heyri sjaldan eins og vaskahús eða sperlar eða hlandfata!  Jæja fólk fer að setja í þvottavélina núna ef þið skylduð vilja vita það!

Vaki ekki lengi lengur!

Sko rakst á stjörnuspána hennar Birnu, verð bara að skella henni með hérna!

Fiskarnir 19. febrúar - 20. mars
Þér finnst mjög gaman að sýna þig þegar völlur er á þér. Mundu að félagslega þá hefur fyrsta tilfinning fyrir fólkið mikið að segja, jafnve þótt hún sé ekki rétt. Það verður eitthvað um daður, dufl og dans í kvöld.

Birna ég veit alveg hvað þú verður að gera í kvöld

Nei ég vaki sko ekkert lengi lengur, það er af sem áður var þegar maður vakti bara afþví að það var gaman og svo yfir börnunum sínum og varð ekkert mjög mikið skrýtnari við það.  Nú uppáhaldsstaðurinn minn að vera vakandi á nóttunni er Akureyri að sumri til, að standa efst á Eyrarlandsveginum um miðja albjarta nótt og horfa yfir Pollinn og yfir í Vaðlaheiði, nothing beats that!  Það er eins og það sé alltaf gott veður á kvöldin og nóttunni á Akureyri á sumrin eða sjálfsagt allan sólarhringinn! Ekki satt?

Kominn tími til!

Virkilega kominn tími til að þeir fóru að gera eitthvað í þessu hérna!  Veit ekki hvenær þeir fara að gera eitthvað í barnagiftingunum þeas þegar stelpur sérstaklega fara til sinna fornu heimalanda 14,15 og 16 ára gamlar og koma tilbaka giftar, það er ekkert hægt að gera í því þar sem þær giftu sig ekki í Svíþjóð!  Svo eru kannski ekki svo margir hérna sem vilja gera svo mikið í þessu, algengt að ýmis vandi er bara látinn viðgangast afþví að þetta eru þeirra siðir og venjur og það er náttúrulega bilun! 

Kona dæmd fyrir að láta umskera dóttur sína

Blessuð blíðan hérna......!

Hæ aftur allir, hef bara verið upptekin við að hugsa um hvað ég vill fá í afmælisgjöf, not!  En ætla að gefa sjálfri mér heftibyssu í ammælisgjöf!  Fínar myndir úr Búðardal Ninna, sniðugt að byggja svona the old way!  Vorið kom bara svona alltíeinu hérna svo ég fór útí hjólageymslu og náði í hjól fyrir Evu og Ísak, hann er nú ekkert mjög spenntur fyrir að hjóla, hleypur frekar .  Nú í kvöld er foreldrafundur hjá fótboltaliðinu hans Axels, á að ræða um Danmerkurferðina sem btw truflar mínar áætlanir um langa Íslandsdvöl í sumar!  Annaðkvöld er svo foreldrafundur í skólanum hjá Ívari og Evu, þar á að ræða hvernig er hægt að gera skólann að besta skóla í Svíþjóð, hmmm reka skólastjórann, skipta um kennara, ýmislegt hægt að gera!  Verður sjálfsagt bara gaman að þessu!   En nú þarf ég að fara að ná í Evu í skólann, skemmtiði ykkur vel í dag og alla daga en gangið samt hægt um gleðinnar dyr, aðgát skal höfð í nærveru sálar og svo framvegis!  

Skortur á vandamálum!

Ég las um mann í Stokkhólmi sem var að kvarta yfir einhverjum vesalingum sem stóðu útá götu og spiluðu tónlist sér til framfærslu og það sem hann var að kvarta yfir var að þeir kunnu ekki nógu mörg lög  og að þeir spiluðu of hátt!  Ef þetta er stærsta vandamálið hjá viðkomandi, ef hann hefur ekkert annað til að kvarta yfir þá á hann bara ágætis líf!  Skil ekki svona smámunasemi, þetta blessað fólk sem stendur heilu dagana og spilar á eitthvað hljóðfæri í öllum veðrum er bara að reyna að sjá fyrir sér! Yfir í allt annað, langar til að taka stúdentspróf í íslensku, finnst eiginlega soldið asnalegt að vera bara með þetta í sænsku!  Vona bara að þeir séu ekki að nota Gísla sögu Súrssonar sem námsefni, fékk ævilangt ofnæmi fyrir þeirri bók á sínum tíma

Gaman, gaman!

Það er svo gaman að þessu bloggi, ég sest fyrir framan tölvuna og les bloggið hjá ættingjum og vinum og fer alltaf að hlæja, flissa og ýla og góla !  Þetta er andleg næring af bestu gerð, gerist ekki betra!  Takk fyrir að vera til þið öll sem gerið daginn betri og skemmtilegri!  Haldið áfram að skemmta ykkur í dag!

Ættfræði!

Talandi um ættfræði þá er ég að ættfræðast með einum Færeyingi þessa dagana, nei rólegar bara, þetta er ættin hans Jenna sem við erum að pæla í!  Það var langafi okkar í föðurætt sem stal kindum og greinilega mörgu öðru sem aðrir áttu enda var hann settur inn ca ár 1900 .  Nú svo var annar snillingur sem drap einhvern uppá Naustum, það var líka í föðurættinni!  En talandi um föður þá dreymdi mig pabba, hann var hress, við drukkum saman kaffi, hellt uppá á gamla mátann, sterkt og gott kaffi, þurfti hníf og gaffal á það!  Gaman að þessu!  Nú og veðrið verður að koma með, sólin skín og snjórinn að hverfa

Enginn grautur hér!

Netið var eitthvað að hrella mig í gærkvöldi, andinn sveif þvílíkt yfir vötnunum en þá komst ég ekki inn á bloggið , maður hefur nú orðið pirraður yfir minna, meiri aumingjar en ég og svo frv!  Var einmitt að pæla í því í gær tilhvers maður á IPod, er þetta bara flott dýrt dót eða er þetta til einhvers gagns?  Í gær sat einn pabbinn í sundskólanum  með svona græju og potaði í þetta í tryllingi, virtist vera að gera mjög mikilvæga hluti, var kannski bara að leggja kapal .  Nú morgunhressið mitt er meðfætt, þarf engan graut til að framkalla það .  Góða helgi allihopa!

Ammæli í dag aftur!

Axel minn er 14 ára í dag, bara algjör unglingur, held hann hafi lesið leiðbeiningarnar fyrir hvernig maður er þjáningur !  Nú svo var ísterta í morgunmat, hollt og gott!  Svo verður sjálfsagt sjoppufæði í kvöld, það er fínt, mér finnst sjoppufæði gott og borða svoleiðis sjálfsagt oftar en mér er hollt  en so what  .  Hafið góðan dag í dag líka!

Birna á ammæli!

Til hamingju með daginn Birna , verst að Hafliði getur ekki gefið þér kók en reyndu að fá einhvern til að róla þér amk .  Nú hér byrjar bókaútsalan í dag og ég þangað, nú svo í leiðinni kaupi ég afmælisgjöf handa Axel, best að nota ferðina   Það er nú kannski ófært niðrí bæ, fer bara á skíðum ef ekkert annað virkar(ég á skíðum, hahaha)! Góða skemmtun gott fólk, við erum örugglega öll gott fólk ekki satt?