Tvisvar á dag, hmmm :)

Er ennþá í hálfgerðu hissukasti yfir því að ég skuli ennþá að fara í ræktina er búin að fara einusinni í dag, datt í hug áðan að fara aftur í kvöld Það er orðið mikið skemmtilegra að fara þangað svona all of a sudden takk fyrir það, I owe you one Er annars bara þokkaleg að vanda, snjórinn að fara, næstum því logn, fuglasöngur, já fullt af hlutum sem gera manni lífið léttara og skemmtilegra Finn að ég þarf að fara að komast á almennilegt dansiball fljótlega, stefnan er sett á það Höfum það gott og verum góð við hvort annað, já amk við þá sem eiga það skilið

Ammmmæli :)

Þetta er nú meiri afmælishelgin í gær áttu afmæli systur mínar flottastar Birna og Árnína (ekki tvíburar samt ) nú svilkona mín hún Sæunn sem er allra skemmtilegasta kona, nú svo nottla "hetja hafsins " hehehehe Nú svo í dag er hann Axel minn SAUTJÁN ára, skrýtið en skemmtilegt og svo hefði hún Bigga frænka orðið níræð blessunin Ég á margar góðar minningar sem tengjast þeirri konu, hún lifði sko lífinu Man þegar hún var að koma í heimsókn inní bæ, í minningunni er eins og ég hafi lifað í svarthvítum heimi og svo kom hún í pels, gulllituðum háhæla skóm og með gulllituð gleraugu og lýsti upp veröldina Alltaf brosandi og bara yndisleg, svo rosalega útlensk eitthvað Gott að eiga svona minningar, gott að hafa kynnst svona konu sem gerði það sem hana langaði til, það eru svona konur sem maður á að taka sér til fyrirmyndar Ég á eftir að fara að leiðinu hennar í Stavanger með pela og skála fyrir henni Annars er alveg að koma mars, Erna segðu mars mánuður í fermingu, panik, nei nei er bara róleg yfir þessu, ætla ekki að mála húsið, skipta um eldhúsinnréttingu né nokkuð annað vona bara að sem flestir geti komið og við átt ánægjulega stund saman yfir kaffi og kökum skemmtilegt að geta hitt ættingja sína og vini ekki bara á jarðaförum

Aaaaaaaaarg á norðlensku og innbæísku líka !!!!!!!!

Já sko hérna hefur maður þeas ég fylgt sinni sannfæringu hversu erfitt sem það getur stundum verið og reynir að gera það sem best er fyrir lítið barn sem hefur enganveginn valið foreldra sína né aðstæðurnar sem það fæddist inní og hef ekki verið að ætlast til þakklætis fyrir það, ég hef einfaldlega gert það sem mér hefur fundist vera rétt en ekki bara hugsað um sjálfa mig Aðrir fullorðnir sem hlut eiga að máli hafa allan þennan tíma séð þessi viðbrögð mín sem sjálfsagðan hlut og aldrei nefnt það við mig að þeim fyndist það gott eða slæmt að ég skyldi ekki standa á öskrinu í hvert skipti sem þetta blessað barn kom til tals!!!! Well guess what ég er orðin þreytt á að vera góð kona, hef alveg verið að upplifa í gegnum árin að móðir þessa barns fer alveg svakalega í taugarnar á mér, það hefur hún reyndar alltaf gert en það versnar bara !!! Tek það fram að barnið sem núna er orðin táningur er og hefur alltaf verið yndisleg, skil nú ekki alveg hvernig hún gat orðið það en það er nú önnur saga En sko það hefur staðið til að þetta blessað barn kæmi í heimsókn til okkar, já sko bara hún, ég lét það koma mjög skýrt fram síðast þegar ég hitti hana, en auðvitað ætlar mamma hennar að koma með, annars kemur ekki stelpan, H..., M...., T.... á innbæísku !!!!! Halló ég er búin að hafa þessa konu alveg nóg heima hjá mér, hún fór amk alltaf heim sama daginn en nei nú þarf hún að gista og ætlar að vera í nokkra daga Ætti kannski að fá mér nokkra ketti snöggvast, hún er víst með einhverja kattafóbíu Stundum getur maður alveg séð eftir því að hafa gert það sem manni finnst rétt, maður er nú ekki alltaf að græða á því Over and out for now !!!

SérSvið :)

Nei ætla ekkert að tjá mig um svið, borða þau ekki Hef verið að pæla í hvort og þá hvaða sérsvið ég hef, allir eru með svoleiðis hef ég heyrt Hef reynt lengi að skilja prjónauppskriftir en gengur ekkert, sko ég hef lesið 7000 síður um sögu Suður-Ameríku fyrir munnlegt próf og það gekk vel, ég fékk flotta einkunn í heimspeki daginn áður en yngsta barnið mitt var tekið með keisara ( heimspeki er ekki mitt sérsvið ) ég hef skrifað 30+ síðna ritgerð um nafnarannsóknir og rúllaði því upp og allt þetta á öðrum tungumálum en íslensku en ÉG SKIL EKKI PRJÓNAUPPSKRIFTIR á neinu tungumáli Það vantar nú eitthvað hjá þessari konu sem er annars nokkuð skörp og fixar það mesta sem hún tekur sér fyrir hendur en niðurstaðan er sú að prjónauppskriftir eru allavega ekki mitt sérsvið Geri nú samt þennan laugardag góðan

Já er það !

Já það er ástæða til að hafa áhyggjur af þessu, kannski jafnvel gera eitthvað í þessu annað en að tala um það!!!! Finnst nú ekki að það hafi verið talað mikið um þetta, hef haft á tilfinningunni að hugsunin sé eins og alltaf aður : leyfum þeim bara að fara, þetta eru sjálfsagt bara þeir sem tolla hvergi hvort eð er, best að losna bara við þá !  Þetta er nú ekki alveg svona einfalt núna, ég mæli alveg með því að fólk flytji frá Íslandi og prófi eitthvað annað en þá þarf mann að langa til þess, held maður fái nú minna útúr því ef maður neyðist til að flytja eins og margir hafa þurft að gera ! Svo mörg voru þau orð !!!!

Ástæða til að hafa áhyggjur af brottflutningi

Allt ónýtt :)

Sko hérna er maður að reyna að vera í einhverri risafýlu yfir einhverju, fer á fund og þetta er bara rifið niður fyrir manni ekkert hægt að treysta á fyllibyttur, það er deginum ljósara Sem er gott, takk fyrir að vera þarna fyrir mig Fer ekkert í ræktina í dag, ákvað að gera þetta fimm daga vikunnar og láta það duga En er góð, smá ýl og gól alveg in order svona í morgunsárið Miss my people þarna í útlöndunum

Ræktin :)

Já eins og alþjóð veit þá er ég byrjuð í ræktinni þetta er svosem allt í lagi, finn ekki eins mikið fyrir vöðvum sem ég vissi ekki að væru til eins og ég hélt ég myndi gera er bara sjálfsagt í svona góðu formi En hausinn er nú ekki í jafngóðu lagi og restin, er ég hissa nei ekkert mjög, er að væflast með hluti eins og : halló ertu blind og heyrnarlaus, það eru alls ekki allir sem velja að lifa lífinu lifandi þó þú gerir það, að stíga skrefi lengra en maður þorir er ekki eitthvað sem allir gera Ef það er eitthvað sem ég fæ ekki breytt þá er það annað fólk, get over it Feelings are facts, best að reyna að díla við þær þannig, er búin að prófa allar hinar aðferðirnar En svona þar fyrir utan þá voru krakkarnir á þorrablóti í skólanum og fannst bara gaman, maturinn var ja jú alveg ok Nú stefnan er tekin á Slow Town núna í febrúar, veit ekki alveg hvenær, erum sko "bara" með einn bíl núna svo þetta krefst skipulagningar, að vera bara með einn bíl er nú bara lúxusvandamál En ég ætla á fund í kvöld sem er bara flott :))) frábærar samkomur þar á ferð

Jamm :)

Datt í hug í morgun af einhverjum óútskýranlegum ástæðum þegar maður fór í dansskóla í gamla daga með spariskóna í poka, mér finnst eins og það hafi alltaf verið kallt úti og dimmt og maður fór í einhvern sal uppi í Landsbankanum og ég man ekki eftir að þetta hafi verið neitt gaman, man ekki heldur afhverju þetta var ekki gaman en .... Var á svona kynningarfundi fyrir atvinnulausa í morgun, hmmmm, sko þá byrjar lesturinn : ég kann að lesa og ég get lesið þetta alltsaman inná heimasíðunni hjá Vinnumálastofnun, vildu þeir vera vissir um að ég færi á fætur amk í dag, geri það nottla enga aðra daga Æi þetta er sjálfsagt vel meint hjá þeim, ég bara neikvæð En svona til að nefna veðrið að íslenskum sið þá fór allt í einu að snjóa og það snjóar enn, púff, ekkert nauðsynlegt en ekkert við því að gera Spakmæli dagsins : Feelings are facts sem er bæði gott og slæmt, ja amk fyrir mig

Andlaus og atvinnulaus en allsekki vitlaus :)

Er eitthvað andlaus þessa dagana, andinn svífur ekki yfir mínum vötnum svona as we speak hann hlýtur nú að fara að láta sjá sig með hækkandi sól og öllu því!  Já ég bætist opinberlega í skara hinna atvinnulausu á mánudaginn, er bara ennþá alveg sama um það, þetta er nú meira djöf..... kæruleysið í konunni En sé enga ástæðu til að gera mér upp einhverjar áhyggjur yfir því, nóg er nú samt sem þarf að fá að flækjast í höfðinu á mér og ekki er það nú allt gáfulegt En allavega þá er ég að hugsa um að drífa mig á tónleika á Eskifirði á morgun, er svolítið að mygla hérna, orðið alltof langt síðan ég hef farið eitthvað og lyft mér upp eins og það er kallað En núna er víst mest upplyfting í að vaska upp, einhver hefur verið voða duglegur að sleppa því ansi lengi haldiði bara áfram að hafa gaman að þessu, það ætla ég að gera

Greyið :)

Hlýtur að vera rosalegt að missa svona af mágkonu sinni ég vona bara að henni sé boðið í fjölskylduveislur og svoleiðis Þetta er nú bara sorgleg afsökun, ef honum sést yfir fólk í fjölskyldu sinni, þá er hann nú ekkert mjög klár

Valtýr: „Mér hreinlega yfirsást þetta"