Mörg börn

Ég stend stundum sjálfa mig að því að finnast annað fólk eiga svo mörg börn, ég á 5 sem þykir svolítið mikið hér sérstaklega þar sem ég er ekki frá Afríku eða Miðausturlöndum!  Samkvæmt mörgum Svíum sem ég þekki er ég eiginlega bara hálfgerður platútlendingur, meira sænsk en nokkuð annað, ekki alveg sammála þar en þetta venst!  Akkúrat núna eru mörg börn hér, mín 5 og svo eru 3 sem gista, Becca frænka mín sem er í heimsókn, kærastan hans Einars (þau eru engin börn samkvæmt þeim sjálfum) og svo kemur vinur hans Ívars til að gista!  Ívar og hann æfa saman Aikido og foreldrum hans fannst alveg frábær hugmynd að hann gisti hérna á hverjum! föstudegi til að fara svo með Ívari á æfinguna á laugardegi!  Mér finnst það ekki frábær hugmynd, allt í lagi með krakkann en hvern einasta föstudag er kannski aðeins of mikið!  Svo að núna eru hérna níu manneskjur, fimm kettir, einn hundur, ein eðla og ein skjaldbaka!  Ég sem er svo mikið fyrir að vera ein með sjálfri mér ! 

Snjór

Algjört öngþveiti hérna,það er snjór sem er gott því það er gaman fyrir krakkana!  Andinn er ekkert að svífa yfir vötnunum þessa dagana, bara kvef og hálsbólga og það er engin andleg upplyfting!  Ég hef verið að skoða fordómana mína sem eru þó nokkrir, fleiri en ég myndi vilja!  Er td með fordóma gagnvart fólki sem heldur að íþróttir bjargi lífi fólks, dvs ef þú td æfir og spilar nógu mikið af fótbolta þá ertu kominn með tryggingu fyrir frábæru lífi!  Íþróttir eru fínt tómstundagaman en held ekki að bara með að stunda þær sé maður kominn með ávísun á bleikt ský það sem eftir er!

Birna byrja að blogga núna, ekki seinna en strax!

Vilhjálmur bjargar öllu!

Eins og flestir vita sem hafa einhverntíma komið heim til mín þá er ég með afskaplega lítið tuskuæði sem er gott en þarf því miður samt að þrífa stundum og þá er Vilhjálmur Vilhjálmsson bestur undir þeim kringumstæðum!  Set hann í botn og byrja, krökkunum mínum til mikillar mæðu, þau misstu alveg af honum, fædd á vitlausum tíma greyin!  Þarf endilega að verða mér útum einhvern til að þrífa hérna, var með eina pólska þegar sem mest var að gera í skólanum og hún gerði svo fínt að mig langaði varla til að hleypa krökkunum inn þegar þau komu heim þann daginn!  En hún fór aftur heim og síðan hef ég ekki haft neina!  Sænskum vinkonum mínum fannst þetta mjög snjallt af mér að hafa svona heimilishjálp en myndu nú samt ekki fá sér svona sjálfar, nei duglegar konur gera ekki svoleiðis, vinna bara fulla vinnu, sinna krökkunum og gera allt heima!  Það er rosalegt mál hérna þetta með fólk sem skúrar heima hjá öðrum, eins og það sé eitthvað öðruvísi en að skúra í skóla eða á skrifstofu!  Skítur er skítur hvar sem hann er!

Hægri vindar

Eins og margir vita þá komust hægriflokkar til valda í þessu landi í síðustu kosningum (kaus þá ekki) og hér þar sem ég bý eru þeir  í meirihluta og nú byrjar ballið!  Las í bæjarblaðinu okkar í morgun að nefndin sem sér um skólamál hér í bæ hafi fært peninga sem áttu að fara til skóla sem hafa mikið af útlenskum börnum (sem þurfa þar af leiðandi mikla sænskukennslu) til skóla útí sveit þar sem er of lítið af börnum, þarf ekki að taka fram að þar eru mjög fá útlensk börn!  Skil ekki alveg tilhvers, útí sveit eru litlir notalegir skólar með fáum krökkum, kennarinn hefur nógan tíma fyrir alla meðan í sumum hverfum hérna eru stórir bekkir og ekki nógu margir kennarar!  En þetta er eiginlega bara það sem búast mátti við, þarf enginn að vera í neinu hissukasti yfir þessu!  Talandi um vinda annars, hér er kallt og ekki logn, var í klippingu í morgun og það var flott þangað til ég fór út af stofunni!  Mátti alveg vera flott aðeins lengur, kostaði hálfan handlegg!  Innbæingar eru bestir og Birna má alveg byrja að blogga!

Kallt!

Það er kallt að fara í sund í Svíþjóð!  6 ára dóttir mín er nýbyrjuð í sundkennslu og henni finnst það alveg æði en það sem mér finnst verst er að þennan hálftíma sem hún er ofaní vattninu skelfur hún og titrar því vatnið er svo kallt!  Þetta er innilaug og vatnið er víst 29 stiga heitt segja þeir but I wonder!  Ég er nú ekkert fyrir að sulla mikið í vatni nema þá heima hjá mér og á Íslandi í almennilega heitu vatni, hef farið tvisvar í sundlaug í þessu landi síðan 1990 ( það var á síðustu öld) og hélt ég næði mér í lungnabólgu í leiðinni! Jæja þá hvarf andinn sem sveif yfir vötnunum, svo var bara ein spurning, er Birna að blogga?

Kettir

Ég á 5 ketti sem er gott og þar sem ég bý í útlöndum þá er maður nú alltaf að pæla í að flytja heim en þá kemur þetta með kettina!  Fór að gamni að athuga hvað það kostar að hafa kisurnar í sóttkví við heimkomuna, þetta hlýtur að vera brandari, 160 000! íslenskar krónur fyrir 1! kött í 1 mánuð!  Hvað er þeim eiginlega gefið að éta, kavíar og kampavín með?  Þetta er náttúrulega bilun, kostar meira fyrir kettina mína í sóttkví en hvað kostar að flytja búslóðina heim!  Eins gott að ég er ekki á heimleið enn, bíð bara með það þar til kettirnir eru komnir á vit forfeðra sinna þeas hafa dáið úr elli!

Ferðalag

Var komin með blogg annarsstaðar en fór svo að skoða þetta og þetta pleis er bara mikið flottara eins og góður maður sagði, mikið meira hægt að gera!