Pössun

Jæja þá er frumburðurinn kominn í pössun hjá Birnu með tilheyrandi kleinum og mjólk, er sko ekki í fyrsta skipti sem Birna passar hann fyrir mig, að vísu sjálfsagt 17 ár síðan síðast en sko ef hann fer í pössun þá er það til hennar!  Held þau fari svo norður á morgun, stoppa vonandi í Staðarskála og ýla og góla eins og við í okkar fjölskyldu gerum þegar við erum á ferðinni, nú svo tekur Birna sjálfsagt "Þú komst í hlaðið á hvítum hesti" eða syngur Ljómaauglýsinguna. Hrein og tær snilld!

Over and out!

Bara 30 stiga hiti!

Það er svo ýkt gott veður hérna að ég geri bara helst ekkert!  Nú Einar og kærastan eru að fara til Íslands á morgun og það er mikil spenna í gangi hjá þeim!  Ég er bara með bráðnar hugsanir í þessum hita hérna, erfitt að skrifa þær niður, meira seinna!

Þakklæti

Hef verið að hugsa um í dag hvað ég hef margt að vera þakklát fyrir, hollt að minna sig á það annað slagið!  Ég sit td ekki í hjólastól, ég get búið hvar sem ég vil, börnin mín geta verið í skóla og ég á að borða!  Listinn gæti orðið mun lengri en þetta dugar í bili!  Það er rosalega margt að snúast í hausnum á mér þessa dagana, ýmislegt sem ég þarf að leysa en það er ok ég er ekkert að flýta mér að því, reyni bara að vera í deginum í dag og það virkar fínt!  Heyrði frá einni sænskri skólasystir  minni um daginn og það var gaman, hún er að fara að flytja til Norrköping til að fara að búa með kærustunni sinni og hún er svo hamingjusöm að það er frábært, þessi kona hefur lent í ýmsu um ævina og á virkilega skilið að líða vel!  En núna er föstudagur fyrir verslunarmannahelgi og það er bara gaman, fegin að þurfa ekkert að pæla í hvort ég ætla að fara eitthvað út úr bænum!  Life is life, over and out!

Einmana

Já maður er nú eitthvað einmana hérna á blogginu, frétti af Ninnu einhversstaðar austur í sveitum á einhverju brjáluðu balli eða reyndar tveimur, hefur sjálfsagt dansað frá sér allt vit!  Veit ekkert um Birnu, hef samband við Innra Eftirlitið ef hún kemur ekki bráðum til byggða!  Jóka er sjálfsagt að elda skjaldbökusúpu sem forrétt fyrir kanínusteikina sem hún ætlar að hafa í sunnudagsmatinn   Stundum finnst mér að það séu bara til tvær tegundir af fólki í heiminum, fólk sem reynir að gera sitt besta, þeas reynir að koma vel fram við aðra og gera ekki neinum neitt viljandi og svo hin tegundin sem veður yfir aðra á skítugum skónum og skilur eftir sig sviðna jörð í sinum mannlegu samskiptum og heldur þessu áfram þangað til einhver stoppar þetta lið!  En það er nú þannig að þetta er nú ekki alveg svona en það koma dagar sem mér finnst þetta og það er bara allt í lagi!  Ég er nú svo heppin að hafa kynnst meira af betri tegundinni, hef bara fullt af góðu fólki í kringum mig og það er rosalega mikils virði!  Svona í restina, það er ekki gott veður í mínum útlöndum, bara kalt

Nú er vatn

Sko rigningin frá Bretlandi er greinilega komin hingað, vona bara að það hafi hætt að rigna þar!  Í gær fórum við til Gunnars og Evu og það var frábært að venju, alltaf svo gaman og gott að hitta þau!  Svo fórum við líka til Jóku og sáum nýju fiskana og skjaldbökurnar þeirra, þær eru stórar .  Eva varð eftir hjá þeim, náum sjálfsagt í hana í dag eða á morgun!  Nú Axel  kom heim í gærkvöldi og hafði skemmt sér feykivel í Danmörkunni.  Nú í dag er á áætlun að halda áfram að þrífa, my life sucks, nei nei ekkert mjög, eru bara nokkrir hlutir sem bara ég get breytt og ætla að breyta! Njótið lífsins það ætla ég að gera í rigningunni

Pása!

Pása frá þrifunum, Gunnar alveg að gera sig, maðurinn er bara algjör snillingur!  Nú hann Einar minn og Johanna kærastan hans fara til Íslands 8.ágúst, við erum svo rausnarleg foreldrar hans að við gáfum þeim ferðina í tilefni af stúdentsprófinu þeirra, gvöð hvað við erum gott fólk .  Er að reyna að klára að laga til í herberginu hans Axels áður en hann kemur heim, læt hann sjá um það annars en við fengum gesti þegar við vorum ekki heima sem ekki löguðu til eftir sig svo ég geri þetta bara.  Nú svo eru allar líkur á að Zippo okkar eignist kettlinga seinna í sumar eða haust, einhver sem vill kettling? Ekki alveg á planinu en so what, shit happens and it happens to me .  Bara gaman að þessu, kettlingar voða sætir!  Þarf að kaupa mér cd spilara svo ég geti hlustað á alla diskana sem Birna lét mig fá, geri í því þegar ég er búin að þrífa restina af íbúðinni! Búin í bili, over and out!

Heima loksins

Jæja loksins komin heim, Axel farinn af stað til Danmerkur að spila fótbolta og núna get ég farið að þrífa íbúðina mína sem er alveg bráðnauðsynlegt, meira að segja ég sem ekki þjáist af tuskuæði sé það.  Gott að ég er tók með mér nýjar græjur til að skúra með, þetta verður alveg æði að skúra, getur það verið æði?  Kærastan hans Einars ætlar að koma í kvöld og elda handa okkur öllum! sem mér finns fínt, hún er góð stelpa!  Sakna Íslands og ykkar allra þarna heima, þetta er sjálfsagt aldurinn sem er að gera vart við sig , verð að skoða þessi mál eitthvað!  Njótið þessa sunnudags eins vel og þið getið!

Það var núna

Ok núna blogga ég, Ninna og Gunnar eru búin að klukka mig svo það er best að byrjaQ

8 hlutir um sjálfa mig!

Ég vil gjarnan vita hvaða dauðir eru skyldir mér, ekki svo naujið með þá lifandi

Ég nota sömu stærð af buxum núna eins og þegar ég var 16

Ég á 5 börn og 5 ketti

Mér finnst gaman að skoða kirkjugarða

Ég er EKKI með tuskuæði

Ég man ennþá skátaheitið

Mér finnst gaman að hekla

Ég enda sjálfsagt í pólitík

Ok þá var það búið, þetta er búin að vera alveg frábært ferðalag, ýmislegt skemmtilegt og skrýtið komið í ljós, Barnaskólinn á Akureyri heitir alltíeinu Rósinborg, það var nú eiginlega hús sem stóð við Eyrarlandsveginn en þeir eru nú ekkert í smámunum þarna í Slow Town.  Ninna er orðin yngst af okkur systrunum sem henni finnst gott!    Hef hitt mikið af góðu og skemmtilegu fólki, farið á nokkrar góðar samkomur og séð mikið af Íslandi!  Austfirðirnir verða fallegri í hvert sinn sem ég kem þangað, voða mikið í gangi þar eins og allstaðar virðist vera!  Jæja  hætt í bili, fer heim á föstudaginn, bara gott, sakna Einars litla! Flýtið ykkur hægt í dag!

Fyrir austan!

Hleyp bara nakin hérna um í fjallshlíðinni eins og Ninna um árið, held ég, Birna sagði það!  Hér er bara gott að vera, maður hittir Ívar bróðir bara hérna í beygjunni, frábært!  Er væntanleg norður á miðvikudagskvöld, fæ vonandi gistingu einhversstaðar , fer svo suður 17.júlí og út 20. í rigninguna!  Góða skemmtun en gangið hægt um gleðinnar dyr!

Ræturnar

Jæja þá er komið að því að fara norður í Slow Town og finna ræturnar  Búið að vera voða gaman að vera hérna, alltaf að verða snyrtilegra hérna í Keflavík, rosalega mikið búið að gera hérna síðan ég kom hérna fyrst sem var nú fyrir agalega löngu síðan! Akkúrat núna er SÓL í Keflavík , bless allir hér!