Ekki í ár heldur

Nei ég fékk ekki fálkaorðuna í ár heldur en það er allt í lagi því Jón eða sko ég er komin heim , frábært fjör hérna hjá Birnu í Keflavíkinni

Fálkaorðan veitt á Bessastöðum

Sonur minn stúdentinn!

Já mikið er búið að vera gaman í dag, ég og aðallega þó Jóka skreyttum allt í íslensku fánalitunum eftir að við komum heim frá því að sjá Einar og bekkjarfélagana hlaupa út úr skólanum!  Nú svo kom Einar heim og þá var etið og drukkið, síðan lagði hann sig í smástund áður en hann fór aftur af stað til að fara að borða með bekknum og svo verður farið að skemmta sér fram á nótt!  Þarna eru þau saman Einar og Johanna, svooooo sæt saman

Brjálað að gera!

Hélt kannski að ykkur þætti gaman að vita hvað ég hef mikið að gera núna (greinilega engin ósköp fyrst ég sit hér)  en allavega þá eru skólaslit hjá Evu og Ívari á morgun, stúdentinn hjá Einari á föstudaginn og svo Ísland á sunnudaginn! Svo nú vitið þið það!

Safnið

Fór á safnið hérna í dag að sjá nýju sýninguna sem er byggð upp kringum eldgamlar beinagrindur sem fundust hérna í Linköping fyrir nokkrum árum síðan, rosalega gaman að skoða þetta!  Röltum svo um í bænum og borðuðum ís sem er alveg skylda í svona miklum hita, held það hafi farið upp í 30 stig í dag sem er aðeins of mikið!  Nú ég og tengdadóttir föðurömmu minnar höldum helst að Birna hafi verið Halimalað þarna á Krít fyrir nokkra úlfalda, veit ekkert hvort það eru til úlfaldar þar, ef ekki hafa þeir örugglega verið fluttir inn sérstaklega bara af því að það var von á Birnu

Heitt!

Það er loksins komið svolítið gott veður, 26 stiga hiti akkúrat núna, það má alveg lifa með því   Veit annars ekkert hvað ég á að skrifa, er farið að styttast mikið í Ferðalagið mikla  en samt alveg 12 dagar eftir!  Fer bara út í sólina með kaffibolla ekkert annað hægt að gera í stöðunni

Rigning aftur!

Er ekki alveg í réttu landi þessa dagana, skítkallt og rigning í fleiri daga í röð   Og svo til að gera þetta enn betra þá átti ég að vera með Ísak hjá tannlækninum kl. 07.40 í morgun en hann var kominn með hita  þegar ég vakti hann svo það varð ekkert úr þvi, fór á fætur kl. 06.00 til einskis og svo á morgun er Ívar að fara að spila í skólafótboltamóti og mæting hjá honum kortér í helv..., nei í átta!  Er eitthvað svo voðalega syfjuð þessa dagana, sjálfsagt afþví að ég mæti í vinnuna alveg hálfníu á morgnana, fer að vísu á fætur korter yfir 6, þarf að fara út með hundinn áður en ég fer með Evu í skólann og Ísak á leikskólann og fer kannski ekki alveg nógu snemma að sofa á kvöldin  En nú þarf ég að fara með Ívar til læknis, hann á víst að fá meiri astmalyf! Góða helgi people

Tónleikar!

Var að koma heim frá tónleikum í kirkjunni, Eva var að syngja með kórnum og það var rosalega gaman að sjá og heyra!  Nú hér er klappað í kirkjum og mér er svosem alveg sama, klappa ekki sjálf bara!  Kirkjan hérna www.mikaelskyrkan.nuer gömul korngeymsla  sem er kúl en fyrir utan kirkjuna stendur svartur! kross sem minnir mig bara á Ku Klux Klan  lítur nefnilega út fyrir að hafa verið kveikt í honum! En það er víst ekki mitt vandamál, nóg er nú til samt af vandamálum! Eigið gott kvöld og góðan morgundag!

Borgarstjórinn

Nei það er sko ekki ég sem er borgarstjórinn en hún (jú það er kona) er búin að bjóða mér og minni fjölskyldu að halda uppá sænska þjóðarhátíðardaginn með henni, ekki bara við að vísu heldur allir sem hafa orðið sænskir ríkisborgarar frá síðasta þjóðhátíðardegi!  Þetta á að ske í einhverjum garði niðrí bæ sem ég veit ekki almennilega hvar er og þar verður ýlt og gólað og svo deila þeir út sænska fánanum líka!  Rosalega gaman!  Held kannski að ég verði bara upptekin þennan dag við eitthvað annað!  Nú í dag var fótbolti hjá Ívar og Axel og Eva var að "gradera" í Aikido, við erum bara algjörir íþróttaálfar hérna!  Á morgun er dagskráin þannig að fyrst er kirkjan í fyrramálið og svo förum við í sund eða sko krakkarnir fara ofaní á meðan ég sit og drekk kaffi, tek sjálfsagt með mér bók að lesa! Nú svo eru bara 22 dagar þangað til við komum, löngu byrjað að telja niður hér!  Ætlaði að enda þetta með einhverju rosalega gáfulegu en finn ekkert gáfulegt að segja!  Bless allir

Lesa

Ég kann að lesa, ég hef bara því miður ekki nógan tíma til þess!  Ég er samt búin að finna mér nýjan höfund sem heitir Stephen Booth, breskur að uppruna að sjálfsögðu eins og allir þeir bestu í morðgeiranum!  Bækurnar hans fjalla að sjálfsögðu um morð og blóð og svoleiðis skemmtilegheit sem mér finnst gaman að lesa um   Ég las 4 bækur eftir hann í fyrrasumar og er búin að kaupa mér 2 núna sem ég því miður er ekki byrjuð á en er aftur á móti komin vel á veg með bókina sem Jóka gaf mér fyrir margt löngu síðan .  En eins og sagt hefur verið á Íslandi þá verður bókvitið ekki í askana látið  svo ég fer að sofa núna og að vinna í fyrramálið og munið að fara ekki yfir ána eftir vatni!

It´s raining

En það snjóar allavega ekki, alltaf gott að eiga hana Pollýönnu að!  Síðustu fréttir úr fótboltanum eru að Ívar og liðið hans unnu í gær með 15-0! Nú í kvöld voru ég og hinir Sómalirnir á skólaráðsfundi, í alvöru það voru Sómalir, einn Kúrdi og svo ég sem vorum þarna, einn kennari og skólastjórinn!  Nú ég var að lesa Vikudag sem kom í póstinum í dag og sá þá mynd af gamalli konu sem ég hélt væri löngu komin undir græna torfu, ég enn að jarða fólk  Það rignir og rignir hér, má alveg hætta, þetta er orðið fínt núna! En best að koma krökkunum í rúmið, have fun!